Brussel (België)

Albert ende Isabel Clara Eugenia infante van Espaignen bijder gratien Godts Eertshertogen ǁ van Oistenryck hertogen van Bourgoignen van Lothrijck van Brabant van Limborch van Luxemborch ende van Gelre etcetera, Den eersten vanden deurweerderen van onsen Raede ǁ geordineert in Brabant hierop versocht saluyt, Wij ontbieden u ende bevelen ende zoo verre datsnoot sij committeren bij desen dat zekere vonnisse gegeven in onsen voors. Raede ǁ op heden dat desen tusschen [***] gesworene ende regeerderen van Thilborch ende Goirle supplianten ter eenre [ende] schepenen ende regeerderen van Dongen  ǁ rescribenten ter andere sijde [***] ende van welck [***] blijcken sal bij zekere acte vanden selve Raede [***] ten versuecke der voors. supplianten steltter ǁ behoirlijcker executien bij alsoo verre executie daertoe staet bedwingende daertoe realijck ende metterdaet de gene oft den genen die daertoe sullen behoiren bedwongen te ǁ wordden met oock u te betaelen uwen redelijcken salaris van [***] deser uwer executie, Ende van des te doene met tgene des daeraen cleeft geven wij u volcommen ǁ macht ende authoriteijt bij desen ontbieden ende bevelen insgelijcx bij desen tegenwoirdigen allen anderen onsen ende onser vassallen ende der smaelre heeren Richteren, ǁ Justicieren ende officieren ons voors. landts van Brabant dat sy u dit doenen ernstelijck verstaen ende obedieren ende alle behulp ende bijstands doen zoo verre ǁ ghijs behoeft ende zij des van u versocht wordden, Want ons alsoo gelieft, Gegeven binnen onser stadt van Bruessele den elffsten dach van octobri, ǁ int jaer ons Heeren XVIc ende twelff

Bij de Eertshertogen ǁ in hunnen Raede

P Piermans ǁ 1612

Excecutoire op vonnisse

Dorsale aantekening:

Tilborch ǁ Dongen

[***] segelen ǁ II gulden [***] VI stuijvers