Brussel (België)

Op heden IX dagen in de maent van septembri des jaers van graenen XVIc vyfthien, voer ende ten overstaene van heer Charles van Bourgoignen riddere ǁ heere van Bredam, Edelman van den monde hunder doerluchtichste hoocheden die eertshertogen van Oisterwyck onze genadichste heeren ende princen als stadthouder van den souverainen  leenhove van ǁ Brabant ende in de presentie van de leenmannen naerbescreven, met naemen Jacques Hasters leenvinder, Joos van der Vinnen oyck leenvinder respective van den zelven leenhove ende andere comparanten, ǁ Willem Willemsse van Essch gesworen bode der stadt van Shertogenbossche heeft in den naeme ende tot behoeff des dorps van Tilborch te leene verheven alzulcken recht als tselve dorp vercreghen heeft ǁ van joncker Pauwels van Haestricht heere van Druyne in den thol van Venloon, voir zoo vele als denselven dorpe ende heure ingesetene is aengaende, volgende den bescheede gepasseert voir ǁ schepenen vande Bossche op ten [niet ingevuld] ende welcken thol mette heerlicheyden van Druynen Tilborch ende Goerle wylen vrouwe Joanna hertoghinne van Brabant pantsgewyze ǁ beleent heeft gehadt aen wylen heer Pauwels van Haestricht riddere, volghende den bescheede daeraff zijnde, doende de voers. comparant als besethman in den naem ende tot behoeff als voere daer toe ǁ mansschap met hulde ende eedt van trauwen aen hunne voers. hoocheden als hertoghen van Brabant, In handen myns heeren des stadthouders voirgen(oempt), nominerende hieraff te boecke te staene als sterffman ǁ Caerel de Roy sone meester Jans de Roy schouteth van Tilborch, Betaelende voir thergeweyde ende andere rechten ordinaris ten dobbelen rechte voer d'ierste reyze mits dit vercrych in doode hant is comende ǁ etcetera XL florijn VII stuivers arthois, Aldus gedaen ende gepasseert binnen der stadt van Bruessele ten dage maende jaere ten overstaen ende in de presentie als boven

J. van Asbroeck

waerschauw [van] - XII stuivers

expeditie   X stuivers