Oisterwijk

Cont zy enen yegelycken want Willem soen wilner Cornelis Goeyart Bax soen als meester ende provisoer van enen armen manhuys gelegen binnen ǁ der vryheit van Oesterwyck voer syn gebreck dats te wetenen voer enen jaerlycken ende erffelycken pacht van twe mudden rogs van ende ǁ uut enen erfpacht van twe mudden rogs ende sess lopen welcken erfpacht van den twe mudden rogs ende sess lopen voirs. Gherit wittige soen ǁ Gerits geheyten Wyten des Jongen geloeft hadde als een principael sculder te gelden ende te betalen den voergenoemden Gheriden syne ǁ vader allen erffelycken op Onser Liever Vrouwen dach purificatie van ende uut enen stuck lants gelegen in der prochien van Enschot tuss[en] ǁ der erffenissen Gielis van den Doeren op tie een syde ende tussen der erffenissen Jans geheyten die Haen op tie ander syde Item noch van ende ǁ uut enen vierdegedeelt in enen beempt gelegen in de prochien van Westtilborch tussen der erffenissen spersoens van Westtilborch op tie een ǁ syde ende tussen der erffenissen Jan Back Berthouts soen op tie ander syde hoedende metten enen eynde oestwaert aen den verdijck ende metten ander ǁ eynde westwaert aen Jans Dycke van Heyst Item noch van ende uut enen stuck lants gelegen in der prochien van Enschot tussen der ǁ erffenissen Willems soen Gerit Wyten des Jongen voirs. op tie een syde noertwaert ende tussen der erffenissen Henrick sBonten Elsen soen ǁ op tie ander syde suytwaert streckende metten enen eynde westwaert aen erffenissen Willem Gerits Wyten soen voirs. ende metten anderen ǁ eynde oestwaert aen die gemeynt van Haren Item noch uut enen stuck lants aen dit voirs. stuck lants gelegen tussen de erffenissen ǁ Willems Gerit Wyten soen voirs. op tie een syde oestwaert ende oeck metten enen eynde noertwaert ende metten and(ere)n eynde zuyt ǁ  waert aen erffenissen Aerts Bonten ende oeck metten anderen eynde westwaert aen der erffenissen Aerts Bonten voirs. Ende welck erffenissen ǁ voirs. Willem voirs. erffelyck ontfaen hadde van Geride synen vader voirs. voer sommigen anderen onraet ende voer desen erfpacht ǁ voirs. als dat in scepenen brieven van Oesterwyck daer op gemaect volcomelycker begrepen is waer aff die date begrypt Int jaer ons Heeren ǁ duysent vierhondert dertich ende vier des saterdachs naer Sente Mathys dach apostel sessentwyntich dage in februario Ende ǁ welcken erfpacht voirs. den voirs. [Mathys] gebrack ende van vier jaren lestleden nyet vergouden en was als hij sede, Gericht waert ǁ met vonnisse der scepenen van Oesterwyck aen dese erffenissen voirs. welck ghericht Aelbert Willemssen als vorster van Oesterwyck  in den ǁ name [ende van] wegen van [***] voirs. dair hy volcomen macht aff hadde volcomelycken [volvoirden allen] ǁ ende enen yegelijcken daer toe dede die hij van rechtswegen daer toe sculdich was te doen nyet [alle]mael daer inne [ofte geloften sullen] ǁ doen dit aldus geschiet was gewyst waert nae [vonnisse] der scepenen van Oesterwyck voirs. dat Aelbert voers. als gemechtiche der voirs. ǁ gericht voer syn gebreck vercopen mochte Ende dat [de heren van den lande] den copere off den coperen daer aff sculdich souden syn ge ǁ rechte waerscap te doenen Ende want Aelbert Willemssen voirs. dit voirs. gericht den ghenen dien hij dat sculdich was te bieden te ǁ lossen geboeden heeft te lossen gelyck als dat getuygen ende scepenen in den gericht genoch verclaert heeft Ende oeck in de stadt van den ǁ Bosch daerinne alsulke geboeden gewoenlyck is te doen syn volle proclamatieen gehadt heeft gelyck die boede van der selver stadt daer ǁ toe geordeneert ons scepenen hier onder gescreven [onder] syn hanteken dat gecertificeert heeft [Enden] welcken aldus geschiet heeft ǁ Aelbert voirs. als gemechticht die voirs. gericht [daer en teynden] vercoft heren Andriese Embrechtssen priester tot behoeff des goetshuys ǁ der prekeren van den Bosch voer den erfpacht voirs. ende voer den afterstelle daer aff van vier jaren ende voer den scaye van recht ǁ daer op gegaen van den voirs. goetshuys dese voirs. erffenissen in ene recht erfrecht te hebben ende te besittenen, Welcken voirs. goets ǁ huys oevermits vonnisse der scepenen van Oesterwyck [***] van den [***] sculdich sal syn gerechte waerscap te doenen alzoe verre die ǁ scepenen van Oesterwyck hier inne [wyssers syn] [Oirconden hebben] hier over geweest scepenen in Oesterwyck Peter Janssen Jan Noot, Mathys ǁ van der Elst Joest Roeloffssen ende Jan Andries Lambrechts die hoer zegelen in getuygenissen hier aen hebben gehangen Int jaer ǁ ons Heeren duysent vyffhondert ende sess, negen dagen in den meertte op ten dynsdach nae den sondach alsmen singt oculy

Dorsale aantekening:

[***] in den stadt van sHertogenbosch.

Desse is gecomen om [***] ǁ te gaen naer onser voers. ǁ bequamen beleydingen

[***] in Enschot

7