Oisterwijk

Jan gheheyten vanden Ham zoen wilneer Hermans vanden Ham heeft ontfaen van Janne "

gheheyten vanden Eynde zoen wilneer ǁ Jans vanden Eijnde, een stuc lands gheleghen tot Berkel after der wonynghen wilneer Jan Berkelmans ende welc stuc lands ǁ voers. dese voers. Jan vanden Eynde met enen stuc lands gheheyten tSpoer oec tot Berkel gheleghen, in enen wittighen cope ghe ǁ creghen hadde jeghen Wouteren gheheyten Heije Wouteren sinen zoen ende jeghen Claus sinen

zwagher als wittighe man ende momboer ǁ Hadewychen sijns wijfs dochter Wouter Heijen voers., ende die welke dese voers. Wouter Heije ende wilner Elisabeth sijn wijf ǁ jeghen wilner Janne zoen wilner Jans vander Kemenaden in enen wittighen cope ghecreghen hadden ghelijc als dat in scepen ǁ  litteren van Oesterwijc daer op ghemaect volcomeliker begrepen is vanden voers. Janne vanden Ham dit voers. stuc lands in een ǁ recht erfrecht te besitten voer alsulken chijns als men daer jaerlijcs metten recht voer sculdich is af te ghelden den welken Jan ǁ vanden Ham voers. hier jaerlijcs voer af ghelden sal, ende voert omme enen jaerliken ende enen erfeliken pacht van neghen lopen ǁ rogs allen jaer op onser vrouwen dagh als men kersen dreeght van Janne vanden Ham voers. ende van sinen nacomelinghen ǁ Janne vanden Eijnde voers. ende sinen nacomelinghen te ghelden, ende Jan vanden Eijnde voers. heeft dit voers. stuc lands te samen ǁ metten voers. scepenen litteren ende vorwaerden met allen horen machten ende begripen als de verre als die den voers. stuc lands ǁ aen tangeren moghen den voergh. Janne vanden Ham voer den erfpacht voers. overghegheven ende opghedraghen met afgaen ǁ ende vertijen als daer toe behoerlijc is ende heeft gheloeft Jan vanden Eijnde voers. op hem ende op sijn goede dit vutgheven ǁ overgheven opdraghen afgaen ende vertijen voers. den voergh. Janne vanden Ham euwelijc ghestendich ende vast te hou ǁ den, ende in sinen name te doen houden sonder ennich wedersegghen, ende allen anderen voer commer ende calangie van sinen wegen ǁ daer in wesende altemael afte doen den selven, orconden hebben hier over gheweest scepen in Oesterwijc Gherijt van ǁ Meijensvoert ende Aert vander Heijden, die hoer zeghelen in ghetughenisse hier aen hebben ghehanghen int jaer ons heren ǁ dusent vijerhondert twijntich ende een, des anders daghs na die octave van dertijendagh ons heren

Dorsale aantekening:

Dit sijn al duyeste? ǁ brief vander hoeven ǁ ende van Eijmbert vanden ǁ IJevelaer ǁ een stuck lands geheijten ǁ tSpoer

Jan zoon Harmans van der Ham ǁ Jans van der Eijnde ǁ 1420