's-Hertogenbosch

Adriaen sone wijlen Marten Ariens woonende tot Tilborch heeft wittelijck ǁ ende erffelijck vercoft Anneken van Wamel ten behoeve van Peeter Janssen van ǁ Wolffswinckel haeren man, eenen jaerlijcken ende erffelijcken chijns van sess gulden ǁ vijff stuivers tot twintich stuvers tot twintich stuvers goets gancbaers gelts den gulden gereeckent te ǁ betaelen alle jaer erffelijck opten vijffentwintichsten april, ende voorden iersten ǁ termijn van betaelinge opten vijffentwintichsten april anno sesstienhondert ǁ sessenveertich ende in sHertogenbossche vrij van alle beden, exactien, subventien ǁ tiende twintichste honderste meerdere ende mindere penningen commeren ende ǁ lasten gewoonlijck ongewoonlijck ingestelt ende noch naermaels ingestelt te ǁ werdden egeen lasten uutgescheijden te leveren ende te vergoeden, van ende uut ǁ een stuck ackerlants groot ontrent twee loopensaten, gelegen onder de ǁ parochie van Tilborch ter plaetsse genaempt aende Rijt neffens erve Reijnder ǁ Joosten aen deen sijde, ende neffens erve Jan van Raeck aen dander sijde, streckende ǁ metten eenen eijnde aen erffenisse Arien Cornelis Coltiens ende metten anderen ǁ eijnde aen erffenisse der kijnderen van Teunis Ariens, vanden selven Peeteren metten ǁ erffrecht te hebben ende te besitten ende heeft de voorn. vercooper den voors. chijns der ǁ voorn. Anneken tot behoeff des voorsc. Peeters haers mans opgedragen met helmelinge ǁ vertijdenisse inne manieren indien gewoonlijck sijnde, gelovende de voornoempde ǁ vercooper als schuldenaer principael op verbant van sijnen persoon ende alle sijne ǁ goedens present ende toecomende dat hij den voorn. Peeteren Jans(zoon) vanden voors. chijns ǁ schuldige ende gerechte sall doen warantschappe ende dat hij allen andere commer ǁ calangie ende aentael int voorsc. onderpant wesende oft comende den voorn. Peeteren ǁ aff sall doen geheelijcken, ende dat hij oock tvoorn. onderpant voor de betaelinge des ǁ voorsc. chijns den voorn. Peeteren jaerlijcx daer uut soo voorsc. staet te vergelden altijt ǁ goet genoch ende weldueghende sall maecken ende houden , met conditie inne desen ǁ toegedaen dat de voorn. vercooper den voorsc. chijns ten allen tijden sall mogen lossen ǁ ende quijten teffens ende tenemaele mette somme van hondert vijffentwintich ǁ diegelijcke Carolus guldens in specien van van rijcxdaelders tot vijftich stuvers ǁ tstuck gerekent ende metten loopenden jaerchijns ende achterstelle als dan daer van ǁ tachter ende onbetaelt staende, Behoudelijck dat men den selven loss een halff jaer te ǁ vooren wettelijck sall moeten te kennen geven ende op seggen Getuijgen waeren hier ǁ over schepenen in sHertogenbossche Gielis van Bruessel ende Johan van Sutphen ǁ gegeven den vijffentwintichsten dach der maent april, int jaer ons heeren ǁ duijsent sesshondert ende vijffenveertig