Vindplaats van het origineel
Regionaal Archief Tilburg, toegangsnummer 1428, Charterverzameling Tilburg (en Goirle, Berkel-Enschot en Udenhout), inv.nr. 38
28 november 1548
Samenvatting oorkondetekst
Akte van overdracht voor schepenen van ’s-Hertogenbosch, door Johannus, zoon van wijlen Gysbertus Olisleger, van de helft van een jaarlijkse erfcijns uit een stuk land, genaamd die huysacker, en een daarbij gelegen klein stukje grond, een stuk land, een stuk land, genaamd sciplieze, en een uit een stuk land, genaamd den steltacker, te Tilburg, aan Nycolaus, zoon van wijlen Godefridus Strick.
Transcriptie
Notum sit universis quod cum Cornelius filius quondam Nijcholai de Gorcum maritus et tutor legitimus Willelme sue uxoris ǁ filie quondam Henrici die Cock ab eodem quondam Henrico et quondam Catharina sua uxore filia quondam Gijsberti filij quondam Henrici ǁ dicti vander Smedebroeck pariter genite annuam et hereditariam pactionem duorum modiorum siliginis mensure ǁ de Buscoducis quam pactionem iamdictam Daniel filius quondam Petri dicti Nouden promiserat ut debitor principalis se daturam ǁ et soluturam Danieli Roesmont anno quolibet hereditarie in festo purificationis beate Marie virginis et in Buscoducis tradituram ǁ et deliberaturam ex hereditatibus infrascriptis sitis in parochia de Tilborch videlicet ex petia terre dicta die Huijsacker et ǁ particula terre sibi adiacente tredecim et dimidiam lopinatas et quinque et dimidiam virgatas terre continente sita inter hereditatem ǁ Godefridi dicti Vette ex uno latere et inter hereditatem dicti Godefridi et inter hereditatem Gerardi dicti Willemss. ex alio latere ǁ Item ex petia terre unam lopinatam minus tribus virgatis terre continente sita inter hereditatem heredum dictorum Langbonte kijnderen ǁ ex uno latere et inter hereditatem Gijbonis dicti die Becker quadam via interiacente ex alio latere Item ex petia terre dicta ǁ Sciplieze unam lopinatam terre continente sita inter hereditatem Gijbonis de Aerle Claess. ex uno latere et inter hereditatem liberorum ǁ quondam Henrici Daniels ex alio latere Atque ex petia dicta den Steltacker quatuor lopinatas et quinque virgatas terre ǁ continente sita inter hereditatem cuiusdam dicti Back van Broeckhoeven metten crommenvoet ex uno latere et inter hereditatem ǁ heredum quondam Johannis dicti Peijman ex alio latere hereditarie supportasset Nijcolao filio quondam Godefridi Strick et ǁ Johanni filio quondam Gijsberti Olisleger prout in litteris scabinorum de Buscoducis super hoc confectis plenius continetur ǁ quarum data continet vicesima die mensis maij feria quinta post festum penthecostes anno domini millesimo quingente ǁ simo vicesimo nono Constitutus igitur coram scabinis infrascriptis dictus Johannes filius quondam Gijsberti ǁ Olisleger medietatem ad ipsum spectantem in dicta annua et hereditaria pactione duorum et dimidij modiorum siliginis mensure ǁ de Buscoducis legittime et hereditarie supportavit dicto Nijcolao filio quondam Godefridi Strick simul cum dictis litteris ǁ et cum omnibus alijs litteris mentionem inde facientibus atque cum toto jure sibi in dictis litteris et contentis in eisdem ǁ quovismodo competente et effestucando resignavit modo in talibus consueto promittens dictus Johannes ut ǁ debitor principalis super se et bona sua omnia ab eo ad presens habita ac imposterum ab eo habenda et acquirenda quod ipse huiusmodi ǁ supportationem et resignationem ratas et firmas perpetue sine aliqua contradictione observabit et quod ipse ǁ omnes obligationem et impetitionem ex parte sui in dicta medietate annue et hereditarie pactionis predicte ǁ existentes prefato Nijcolao deponet omnino Testes interfuerunt scabini in Buscoducis Franciscus Bogart et Paulus ǁ Raess. datum vicesima octava die mensis novembris anno domini millesimo quingentesimo quadragesimo octavo
Op de pliek:
Os junior
Onder pliek:
[***]