Oisterwijk

Jan zoen wilner Engbrecht Goessenss twee vierde gedeelten hem toebehorende in eenen jaerlijcken ende erffelijcken pacht van eenen mud roggen te vergelden alle jaer ǁ erffelijcken op onser vrouwen dage purificatio vuijt ende van eenen stuck beempts geheijten die Horenvoert onderhalff buender off daer omtrent begrijpende ǁ gelegen inder prochien van Ghestel tusschen erffenis Jans vander Amervoirt optie een sijde ende tusschen der erffenis Wouter Borchman optie ander sijde ǁ welck mud roggen erffpachts voors. die voors. Engbrecht tegen Aerden Peters ende Ghijsbrechten gebruers kijnderen wilner Melis Aert Meliss, Peter Goijaertss ǁ van Vucht als man ende mombaer Weijndelen sijnder huijsvrouwe, Sijmonen Aert Willemss als man ende mombaer Aleijten sijnder huijsvrouw, Henricken ǁ zoen wilner Lamberts van Gorcum als man ende mombaer Johanne sijnder huijsvrouwe, Jannen Henrick Hessels zoen als man ende mombaer Goidstauwen ǁ sijnder huijsvrouwe, Peteren Gherit Hoeven zoen als man ende mombaer Marien sijnder huijsvrouwe gesusteren dochteren Melis voorscreven Arianen zoen ǁ wilner Henricx vanden Hout ende Ghijsbrechten zoen wilner Goijaerts Hoeven bij opdrachten erffelijcken vercregen hadde Ende in welcke erffpacht voers. ǁ Katharijn nagelaten weduwe wilner Engbrecht Goessenss haer tocht, recht van tochten, actie, ende toeseggen overgegeven ende getransporteert hadde heeren ǁ Claesen priester Jannen ende Goessen hoeren kijnderen tot behoef hunder ende tot behoeff meester Henricks Zwijsen, ende die voirs. Jan dat een vierde gedeelt ǁ mud erffpacht voirs. vercregen hadde tegen heeren Claeusen voirs. sijne brueder gelijck als die altesamen in verscheijden scepenen letteren van Oisterwijck ǁ daer op gemaeckt volcomelijcker is begrepen heeft hij wittelijcken ende erffelijcken overgegeven ende opgedragen meester Henricken voirgenoempt tsa ǁ men metten voers. scepenen letteren ende met allen anderen letteren ende vorwaerden daer aff mentie makende ende gewach doende soo verre die desen twee gedeelten ǁ voirs. aengaende sijn ende met allen t recht hem daer inne competerende met affgaen ende vertijen als dat gewoenlijcken is, Ende heeft geloeft Jan voersc. ǁ als principael sculder op hem ende op allen sijn gueden hebbende ende vercrijgende dese opdracht altijt vast stedich te houden ende in sijnen naem te doen houde ǁ sonder ennich wederseggen ende allen commer ende calangien van sijnre wegen daer op comende altemael aff te doen den selven oirconden hebben hier over ǁ geweest scepenen in Oesterwijck Goessen Stheijnen Anthoniss ende Peter Beije Peterss die heur zegelen in getuijgenisse hier aen hebben gehangen inde jaere ǁ ons heren dusent vijffhondert negen ende dartich de darthiensten dach in septembri