Vindplaats van het origineel
Tilburg, Regionaal Archief Tilburg, toegangsnummer 1428, Charterverzameling Tilburg, inv. nr. 34.
3 februari 1532 (o.s.)
Samenvatting oorkondetekst
Akte van verkoop voor schepenen van Hilvarenbeek, door Aernt, Jan en Magdaleen, kinderen van wijlen Mathys Jan Jacopss. van Eynde, van een jaarlijkse erfrente van 31 stuivers uit een akker, genaamd den thonis ecker, gelegen ter plaatse genaamd baeschot, te Diessen, aan Peter, zoon van wijlen Amys Anschemss..
Transcriptie
Wij Henrick Mathyss. van Goerle ende Roeloff Schilder Scepenen in Beeck ǁ tuygen onder onsen gemeynen zegel dat voer ons zijn coemen Aernt ende ǁ Jan gebruederen ende Magdaleen hueren zuster wittige kijnderen wilnere Mathijs ǁ Jan Jacopss. van Eynde. Metten momboir van Magdalenen voers. haer vanden ǁ heere gegeven alsoe als recht is ende hebben erffelijcken vercocht ende geloeft te ǁ gelden ende te betalen jaerlijcken ende erffelijcken Peteren zoen wilnere Amys ǁ Anschemss. een jaerlijcke ende erffelijcke rente van eenendertich ǁ stuvers gevalueert, oft die rechte werde daer voer in anderen goeden gelde ǁ nu gevalueert wesende alle jaer op Onser Vrouwen dach Lichtmisse uuyt ǁ ende van eenen eckerlants geheiten den thonis ecker gelegen inder ǁ prochie van Diessen ter steden geheiten Baeschot tussen erffen Bartolo ǁ meeus Snellen optie een zijde ende tussen erffen der properen optie ander ǁ zijde streckende vander erffen Wilboerts van Eynde totter erffen Godscalck ǁ Joerdenss. als zij seden ende Aernt Jan ende Magdalene met ǁ haeren momboir voers. hebben voerts geloeft op hen ende op allen hueren ǁ gueden hebbende ende vercrijgende, dese erfrente voers. te waeren alsmen ǁ erfrenten met recht sculdich is te waeren ende dit onderpant voer ǁ die betalinge vander voers. erfrenten jaerlijcx Daer uuyt te vergelden als ǁ voers. is altijt goet genoch waeldogende te maecken ende zeker genoch ǁ gegeven int jaer ons heeren duysent vijfhondert ende tweendertich ǁ drye daghe in februario