Tilburg

Gysbert soon wilnere Jans vanden Houtvoert als man ende momboor van Magdalene syn huysvrouwe ǁ dochter wilnere Jan Yeuwaens vanden Heuvell tvierendeel ombedeelt hem toebehoorende in eenen ǁ stuck beemden, den geheellen beemt elff loopensaet off daeromtrent begrypende, gelegen bin ǁ nen der parochie van Tilborch, ter plaetse aenden Veedyck, aldaer tusschen erffenisse des ǁ persoens van Tilborch, deen zyde, ende tusschen erffenisse Barbara van Weerde, Jan Dierck ǁ Gieliss joncheer Reyner van Brederode met meer anderen dander zyde, streckende vanden ǁ voorschreven Veedyck totter erffenisse des persoens van Tilborch voors. zoe hy seyde, heeft ǁ hy wittelyck ende erffelyck vercocht overgegeven ende opgedragen Gerarden soon wilner ǁ Geerts Back, met affgaen ende verthyen als dat gewoonlycken ende recht is, Ende heeft ǁ gelooft Gysbert vercooper voornampt op hem selven ende op alle syne goeden hebbende ende ǁ vercrygende dat voors. vierendeell inden stuck beemden voornampt te waeren ǁ los ende vry, gelyc men los ende vry erven schuldich is te waren, ende dit vercoopen over ǁ geven opdragen affgaen ende verthyen voorschreven altyt vast ende stentich te houden ǁ ende in synen naem te doen houden sonder ennich wederseggen, ende alle commer ende ǁ calaengie dair op comende altemael aff te doen, Oorconden hebben hier over geweest ǁ schepenen in Tilborch ende in Goorlle Cornelis Claes sone van Gierlle ende Geerardt ǁ Henrick Borchmans sone die den segel hoirs gemeyn schependoms desen brieve op en aen ǁ hebben doen hangen, int jaer ons heeren duysent vyffhondert ende eenentzeventich, Opten ǁ derthiensten dach in februario folio 33