Tilburg

Niclaes zon Aert Laureys Aert Lenssen een stuck erffs tot saeylande liggende seven vierden atsaets oft daer ǁ omtrent begrypende, gelegen binnen der parochie van Tilborch, ter plaetse geheyten In de Schyve?, bij dat goet van ǁ der Rydt, aldaer tusschen erffenisse Jan Berys van Oerll, dat van den goet ter Rydt voorschreven is, aen deen ǁ zyde, ende tusschen erffenisse Meeus Thonissoon die Coman metten kynderen dander zyde, ende dat een eynde ǁ streckende metten anderen eynde aen erffenisse Willem Meeus Janssoon, welck stuck erffs voors., die voorn. ǁ Niclaes tegen Aerde synen vader, ende die voorn. Aert tegen Jannen synen brueder in coope erffelycken ver ǁ cregen hadden, gelyck als dat in verscheyden schepenen letteren van Tilborch daer op gemaeckt volcome ǁ lycker was begrepen, heeft hy wittelyck ende erffelyck vercocht overgegeven ende opgedraghen, Jannen soon wilner Herman Peeter Hermans, tsamen mette voors. scepenen letteren ende voorwaerden daer aff ǁ mentie maeckende ende gewach doende, ende met allen trecht hem ennichsins daer inne toebehoorende, met ǁ affgaen ende verthyen als dat gewoonlycken ende recht is, Ende heeft gelooft Niclaes vercooper voornoompt ǁ op hem selven ende op alle syne goeden hebbende ende vercrygende, dit vercoopen overgeven opdraghen ǁ affgaen ende verthyen voorschreven altyt vast ende stentich te houden, ende in synen naem te doen houden ǁ sonder ennich wederseggen, ende alle commer ende calaengie van synen twegen daer op comende altemael ǁ aff te doen den selven, Oorconden hebben hier over geweest scepenen in Tilborch ende in Goorlle Cornelis ǁ Claes sone van Gierlle ende Gerardt Henrick Borchmans sone, die den segell hoirs gemeyn schepen[doms] ǁ desen brieve op en aen hebben doen hangen, Int jaer ons Heeren duysent vyffhondert ende sessentse ǁ ventich opten derden dach in januario folio 1