Regionaal Archief Tilburg, toegangsnummer 1428, Charterverzameling Tilburg (en Goirle, Berkel-Enschot en Udenhout), inv.nr. 25
25 mei 1571
Akte van verkoop voor schepenen van Tilburg en Goirle, door Adriaen, zoon van wijlen Reyner Jan sGrooten, Matheeus, zoon van Aert Theeuwen, als man van Catheryne, Wouter, zoon van wijlen Wouter Peeters, als weduwnaar van Lysbeth, en Aerdt, zoon van wijlen Geerit van den Wiell, als man van Anna, dochters van wijlen Reyner Jan sGrooten, van een stuk land, gelegen Inde corvel acker, te Tilburg, aan Goiaerd, zoon van wijlen Peeter Crillaerts.
Adriaen soon wilner Reyner Jan sGrooten, Matheeus zoon Aert Theeuwen, als man ende momboor van Catheryne syne huysvrouwe, Wouter soon wil ǁ nere Wouter Peeters weduwair wilner Lysbeth zyn huysvrou, daer hy vuyt crachte van testamente tusschen hem ende der zelver Lysbeth ǁ doen zy leeffde, voor heeren Matheeus Christiani Wals priester vice cappellaen der kercke van Oesterwyck, wesende van date den ǁ zevensten deser tegenwoordiger maent lestleden, hier op gesien, hem sterck voor maecte ende gelooffde, ende Aerdt soon wilnere ǁ Geerits vanden Wiell als man ende momboor van Anna zyn huysvrou, gesusteren dochteren wilnere Reyner Jan sGrooten voirs., een stuck ǁ lants vyff loopensaet inne seven ende een halve roeyen, oft daer omtrent begrypende, gelegen binnen der parochie van Tilborgh ǁ ter plaetse geheyten inde Corvel acker, tusschen erffenisse Jenneken wedue Denys Crillaerts deen syde ende tusschen erffenisse ǁ Geerit Thonis Jan Adriaensse dander zyde, streckende van der erffenisse Jan Cornelis Cornelis Daniels totter erffenisse Peeter ǁ Gysbert Beerthen, zoe sy zeyden, hebben zy wittelyck ende erffelyck vercocht overgegeven ende opgedragen, Goiaerden soon wilner ǁ Peeter Crillaerts, met affgaen ende verthyen als dat gewoonlycken ende recht is, ende hebben gelooft die voorschreven Adriaen, Matheeus ǁ Wouter ende Aerdt op hen selven ende op alle henne goeden hebbende ende vercrygende elck voor zyn portie, t voors. stuck lants te waeren [los] ǁ ende vry, gelyc men los ende vry erffven schuldich is te waren, ende dit vercoopen overgeven opdragen affgaen ende verthyen voorst altyt ǁ vast ende stentich te houden, ende in hennen naem te doen houden sonder ennich wederseggen, ende alle commer ende calaengie ǁ daer op comende altemaell aff te doen den selven, Oorconden hebben hierover geweest schepenen in Tilborgh ende in Goorlle ǁ Cornelis Claes sone van Gierlle ende Jan Cornelis Cornelis Daniels sone, die den segell hoirs gemeyn schependoms desen brieffve ǁ op en aen hebben doen hangen, int jaer ons heeren duysent vyffhondert ende eenentseventich, opten yffentwintichsten ǁ dach inde meye folio 8