Tilburg

Niclaes soon wilnere Jan Peeter Lanckens voor hem zelven ende voorts uuyten naem ende als trecht hebbende ǁ van Peeteren zynen brueder daer hy hem sterck voor maecte ende gelooffde, Aert hen brueder uuyt crachte ǁ ende machte van testamente, tusschen hem ende wylen Anna zyn huysvrouw doen zy leeffden voor den ǁ Cappellaen van Oesterwyck gemaect zynde, ende wy scepenen onder geschreven gesien hebben, ende hooren ǁ lesen voor hem selven ende voorts uuyten naem ende als trecht hebbende van Geriden zynen brueder, daer voor ǁ hy Aert voorschreven hem oock sterck voor maecte ende gelooffde, Jan zoon wilner Claes Goiaerts als man ende ǁ momboor van Catheryne zyn huysvrouwe, ende Wouter zoon wilner Claes Goiaerts als man ende momboor ǁ van Adriana syn huysvrouwe oock dochteren wilner des selffs Jans Peeter Lanckens voorschreven, voor welcke ǁ Adriana met haren voorkynderen hy Wouter haer man, ende met hem Niclaes ende Aert voors. voor in ǁ stonden ende gelooffden Een huys hoff metten gronde ende erfenisse daeraen liggende ende daer ǁ toe behoorende, drye loopensaet oft daer omtrent begrypende, in alder grooten nochtans als tselve ge ǁ legen is binnen der prochie van Tilborch ter plaetse geheyten aerll opte hoocht, aldaer tusschen erffenisse Meeus ǁ Gysbrechts zoon van Buerden, ende Cornelis van Grevenbrouck deen syde, ende tusschen erffenisse der kynderen ǁ van Jan Berys, ende Peeter Wouter [niet ingevuld] dander zyde, streckende van der erffenisse Adriaens Jan Hoffs tot ǁ voor opte gemeynte van Tilborch, geheyten die Juypt, Ende hier toe noch de helft ofte hen gerechticheyt in een ǁ stucxken erffs liggende tot een eycken schaerbusken wesende lanck hondert vierentwintich treden ende ǁ breet thien oft elff treden gelegen binnen der prochie voorschreven ter plaetse geheyten in Corvel acker ǁ daer aff dat der wedue ende kynderen wylen meester Henrick Zwysen de reste is toebehoorende tusschen erffe ǁ nisse [niet ingevuld] deen zyde ende tusschen erffenisse [niet ingevuld] ǁ dander zyde, streckende van eenen gemeynen gebuer vaerwech totter erffenisse der wedue Lenairts Mutsaerts ǁ metten kynderen, zoe zy zeyden, hebbende zy wittelyck ende erffelyck vercocht overgegeven ende opgedragen ǁ Gerarden zoon wilner Jan Berys met affgaen ende verthyen als dat gewoonlycken ende recht is, Ende ǁ hebben gelooft die voornoompde vercoopers in den naem ende in der qualiteyt als vooren, op hen ǁ zelven ende op alle henne goeden, hebbende, ende vercrygende, het voorschreven huys hoff ǁ metten gronde ende erffenisse daeraen liggende met oock den anderen erffenissen voornoomt ǁ te waren loss ende vry, gelyc men loss ende vry erven schuldich is te waren, des sal men hier ǁ uuyt gelden eenen stuver tsiaers erffchyns, aen de heeren van den capittele ten Bossch te ǁ betalen, ende noch vier loopen roggen tsiaers erffpachts aen de kerck van Tilborch te betalen ǁ Gelovende voorts onder d[en] verbintenisse als vooren, dit vercoopen overgeven opdragen ǁ affgaen ende verthyen voors., altyt vast ende stentich te houden, ende in den naem ǁ als vooren te doen houden sonder ennich wederseggen, ende allen anderen commer ende ǁ calaengie daermeer op comende, altemael aff te doen den selven , Oorconden hebben hier ǁ over geweest schepenen in Tilborch ende in Goorlle, Cornelis Claess. van Gierlle, ende ǁ Gerardt Henrick Borchmans, die den segel hoirs gemeyn schependoms desen brieve ǁ open aen hebben doen hangen, int jair ons heeren duysent vyffhondert ende sess ǁ entsestich, opten sesten dach in januario, folio LXV

P. Berijs.

Dorsale aantekening:

Overgegeven XIII january 16.5