Oisterwijk

Cont sy enen yegheliken, dat Ian gheheiten vander Elst zoen wilnere Diderics vander Elst, voer siin ghebreck, dats te weten voer enen ǁ iaerliken ende enen erfeliken pacht van vyer mudden rogs die welc Claus gheheiten van Boemaer sculdich is te ghelden allen iaer op ǁ onser vrouwen dagh alsmen kersen dreeght, ende inder prochyen van Goerle metter maten van Westilborch iaerliics te custene ende te leveren ǁ uut ende van eenrehanden erfenissen inden prochyen van Westilborch ende van Goerle gheleghen dats te weten uut ende vanden vorsten Block ǁ int ven gheleghen tusschen der ghemeynten op beyden ziden ende uut ende van enen beempde op Lyevegoer gheleghen tusschen der erfenis ǁ Wouter Claus soens optie een zide, ende tusschen der erfenis der erfghenamen Groet Aelwiins optie ander zide, ende uut ende van ǁ enen Beempdeken gheheyten dat Cleyn Steenvoertken gheleghen tusschen der erfenis Meliis Scoenmekers optie een zide, ende tusschen ǁ der erfenis Ian Mychiels optie selve zide, ende tusschen der erfenis Godevaerts der kiinder optie ander side, ende uut ende van enen ǁ stuc lands gheheyten dat Langhlant tusschen der erfenis Dideric Everdeys ende Ian Sobben optie een side, ende tusschen der erfenis Gode ǁ vaerts voirs. optie ander zide, ende uut ende van enen stuc lands gheheyten die Meer gheleghen tusschen der erfenis Back Guedelden ǁ optie een zide, ende tusschen der erfenis Andries Everaerts optie ander zide, ende uut ende van drye stucken lands. dat een stuc ghele ǁ ghen tusschen der erfenis Henric Nouden optie een zide ende tusschen der erfenis Aerts Swolfs optie ander zide, dat ander stuc tusschen ǁ der erfenis Mychiels van After optie een zide, ende tusschen der erfenis Diderick Everdeys optie ander zide, dat derde stuc tus ǁ schen der erfenis Peters vander Voert optie een zide ende tusschen der erfenis Godevaerts der kiinder optie ander zide, ǁ ende uut ende van enen stuc lands gheheiten Everaerts acker tusschen der erfenis Diderick des Luwen optie een zide, ende ǁ tusschen der erfenis Henric Nouden optie ander zide, hodende metten enen eynde aen die ghemeyn herstraet, die welc vyer ǁ mudde rogs erfpachts voirs. Claus zoen wilnere Aelwiin Sculenborchs in enen wittighen cope ghecreghen heeft ieghen Clause gheheyten van ǁ Boemaer sinen zwagher voirs. als wittighe man ende momboer Enghewen siins wiifs gheliic als dat in Scepenen letteren van Oesterwiick ǁ daer op ghemaect volcomeliker begrepen is die welc oudt siin ende ghemaect worden inden iaer ons heren doemen screef dusent ǁ vyerhondert ende dertyen des anders daghs na des heylichs cruus dagh Invencio, ende die welc vyer mudde rogs erfpachts voirs. ǁ dese voirs. Ian vander Elst voert ghecreghen heeft ieghen den voergh. Claus Aelwiin Sculenborchs soen gheliic als dat oec in ǁ Scepenen letteren van Oesterwiick daer op gemaect volcomeliker begrepen is, den welken pacht vanden vier mudden rogs voirs. den ǁ voirs. Ian vander Elst ghebrack ende nyet vergouden en was den selven alsoe als dese selve Ian seyde, ghericht waert met vonnis ǁ der Scepenen van Oesterwiick aen dese voirs. erfenissen, ende waert ghericht na begriipe van siinre voirs. Scepenen letteren, welc ghe ǁ richt Ian vander Elst voirs. volcomeliic volvuerde, allen ende eenyeghelike daer toe dede die daer toe te doen waren, nyet altemael after ǁ ghelaten, alsoe doen dit aldus ghesciet was, ghewiist waert vanden Scepenen van Oesterwiick dat dese voirs. Ian vander Elst allen ǁ dese voirs. erfenissen voer dit ghes. ghebreck vercopen mocht, ende dat die heer vanden lande den copere of den coperen daer af waer ǁ scappe doen soude, ende want dese voirs. Ian vander Elst allen dese voirs. erfenissen, den ghenen den welken hi die met recht sculdich ǁ was te byeden te loessen gheboden heeft te loessen, gheliic als dat tghetuugh vanden ghes. Scepenen inden ghericht ghenoech vercleert heeft, ǁ dese selve Ian vander Elst allen dese voirs. erfenissen daer hy aldus aen ghericht is na begripe siinre Schepenen brieve voer dit ghes. ǁ ghebreck daer en teynden vercoft Ianne gheheiten Moelnere zoen wilnere Ians Moelneers, vanden selven copere erfeliken te besitten, den ǁ welken copere overmids vonnis der Scepenen van Oesterwiick die heer vanden lande, vanden voirs. erfenissen hem te hant vercoft ghe ǁ liic als voerscreven is, gherecht waerscappe daer sculdich sal siin afte doen, alsoe verre als die Scepenen van Oesterwiick hier in wysers ǁ siin, Orconden hebben hier over gheweest Scepenen in Oesterwiick Mychiel vanden Oerde, Iacob van Brakel, Gheriit van Meyensvoert, ǁ Laureyns vander Heyden, Willem van Cuke, ende Willem die Backer die Ionghe, die hoer zeghelen in ghetughenisse hier aen heb ǁ ben ghehanghen int iaer ons heren dusent vyerhondert twyntich ende zeven, opten een en twyntichsten dagh inder ǁ maent van meye, des woensdachs na die octave van sente Servaes dach Bysscops

Dorsale aantekening:

van desen brieve is een wittigen gegaen ende ǁ desen brief sal bliven onder die scepenen tot tiit ǁ toe dat die [***]  gevolght ende voldaen is ǁ te weten dat Ian vanden Kerchof den voer[***] ǁ pachts Claes Aelwiins soen mitten onrade dat mit recht ǁ dair op gegaen is ende als dat geschiet is so sal Claes ǁ voirs. desen brief breken ende Ian sal die erfenissen ǁ aenvaerden ende Ian voirs. sal den pacht voirscr. ǁ den selven Claes gelden gheliic hy sculdich is te doen