Vindplaats van het origineel
Tilburg, Regionaal Archief Tilburg, toegangsnummer 1428, Charterverzameling Tilburg, inv. nr. 4.
31 januari 1426
Samenvatting oorkondetekst
Akte voor schepenen van Hilvarenbeek, waarbij Godevaert Henric Loyen, als man van Kathelinen Jans Snyders, verklaart aan zijn zwager Henrick Gherijt Crols, gehuwd met Heylwig, een jaarlijkse erfpacht van vier lopen rogge schuldig te zijn.
Transcriptie
Wy Willem vander Spaendonck ende Ian vander Bekerdiick scepen in Beeck, tughen onder onsen ghemeynen segel dat voer ǁ ons is comen Godeuaert Henric Loyen soen als man ende momboer siins wiifs Kathelinen Ians Snyders dochter ende ǁ heeft gheloeft als een principael sculder iaerliics ende erfeliics te ghelden Henrick Gheriit Crols soen sinen ǁ medeswager die hem h[..]w[.]gen heeft Kathelinen zuster voirs. vyer lopen roggen iaerliics ende erfeliics pachts der ǁ maten van Beeck op Onser Vrouwen dach Lichtmis kent ende van alle erfenissen die Godeuaert voirs. gheerf ǁ deilt heeft als momboer siins wiifs voirs. teghen haer zusteren ende brueders na dode wilnere Ians Snyders ǁ hoers vaders soe waer si gelege siin ende heeft gheloeft Godeuaert voirs. dese voirs. onderpande altoes ǁ goet zeker en wael dogende te maken voer dese voirs. vyer lopen roggen erfpachts op hem ende op siin ǁ goet gegeven int iaer ons heren dusent vyerhondert ende zesentwentich opten lesten dach in ianuario