Breda

Wy Deken ende Capittel, van onser vrouwen kerke tot Breda doen kont ende kenlike allen luden dat wy gesien ende overlesen hebben ene brief ǁ gans ende ghave ongecancelleert ende ongheraseert wael ende wittelec bezegelt sprekende van woerde te woerde gelyc dat hier na ge ǁ screven staet Johanna bider gracien Goids Hertoghinne van Luccemburg van Lotryc van Brabant ende van Lymburg marcgravinne des heylichs ǁ Rycs doen cont allen luden dat want onse lieve here ende vader hertoge Jan van Brabant seliger gedencnessen, gegeven heeft ende verleent onsen ǁ goiden luden van Tilborch ende van Goerle zekere pointen van omlegien gelyc die begrepen syn in sinen Oepenen brief die van woerde ǁ te woerde hier nu volght. Wy Ihan bider gracien ons heren den hertoge van Lothrike van Brabant van Lymburg ende marcgreve des heilichs ǁ Ryx Ende Heinrec van Brabant syn oudste soen doen cont hen allen die dese litteren selen sien ende hoiren lesen want ons onse lude van onsen ǁ dorpen van Tilborch ende van Goerle ghemeinlic versocht hebben ende gebeden dit wise houden willen voertane emmermeer in alsulken pointen ǁ van rechte ende in alsulken heerbrenghen also si voirmaels hebben gepleghen ende heerbracht ende dairse voirmaels die heren van Tilbourch ǁ in lieten wi die haere redenlike bede ende versuec aenzien hebben geven ende consenteren, hen haren hore ende erfnamen na hen erfleke ǁ ende emmermeer die pointen die hier na volghen. Inden yersten dat wi hen neghene Scepenen secten en selen noch ander recht geven ǁ dan si voirmaels gehadt hebben ende heerbracht. Item dat neghene papen gheordende liede noch anders yeman eenich erfnisse binnen ǁ den prochien van Tilbourch ende van Goerle vercrigen en selen mogen si en selen dair af aldair ten vonnisse ende ten recht moeten staet ǁ tielyc onsen anderen [l]uden van Tilbourch ende van Goerle Item uut dat zake dat onse voirs. lude van Tilbourch ende van Goerle, eens vonnisse ǁ gemaent worden ende si des binnen den naisten drien gevechten met broet en consten gewen den Soe willen wi dat dan die ghene die onse ǁ schoutheit alder syn sal Onsen voirs. luden van Tilbourch ende van Goerle hebben soe die wyste van onsen mannen dair omtrent wonende ǁ ende die si daere toe begeven selen, hen mede te beradene ende wat [om] mit haren Raide gewyst sal worden voir een recht ocht mit gevel[g]e ǁ dat dat vast ende gestedichlike bliven gehauden ende soe wie dair [t]egen seide dat hi dat beteren soude na datmen voirmaels gepl[eg]en heeft ǁ en heerbracht Item consenteren wi ende geven onsen luden van Tilbourch ende van Goerle ende willen dat men hen van allen zaken [die] sy ǁ misdaen hebben ofte namaels misdoen moghen binnen der enninghen van Tilbourch ende van Goerle vonnisse ende recht sal doen binnen ǁ der prochien van Tilbourch ende anders nerghent na datmen v[oir]maels heerbracht heeft en geplegen ende om dat wi willen dat alle ǁ dese voirs. pointen onsen voirs. luden van tich Tilborch ende van Goerle ende horen erfgenamen na hen emmermeer vast ende we[tti]ghe ǁ h[eer]en bliven Soe hebben wi hen gegeven dese letteren bezegelt mit onsen segelen in kennissen der wairheit Dit was ǁ gedaen ende gegeven tot Bruessel In sente Marien Magdalenen avonde Inden jaere ons heren dusentich driehondert twee ende vier ǁ tech, Wy die ons voirs. liefs heren ende vaders brieve houden ende volghen willen, Confirmeren ende stedeghen den voirs. ons liefs ǁ heren ende vaders brief en alle pointen dair in bescreven voir ons onse hoir ende nacomelinghen Ende geloven onse goiden luden onser ǁ banc van Tilborch ende van Goerle voirs., te houdene ende te latene bi allen h[ueren] rechten vryhoiden ende heerbringhen onverbroe ǁ kelic als si die heerbracht hebben tot ewigen dagen emmermeer voert geven wi ende verlenen mit desen brieve onsen voirs. inde ǁ onssen ban[c] van Tilborch en van Goerle voir ons onse hoir ende nacomelinge overmids zeker hoefscheit van gelde die si ons hebben ghedaen ǁ dat si voertane allew[e]ge vry sullen wesen van gruytgelde van hopgelde ende van vreemden biere datmen binnen onsen dorpen van Til ǁ borch ende van Goerle drinken ende sliten sal dat welc Iohannes die Iuede wisselen in onssen Stad vanden Bosch van leen heeft willen voeren ǁ ende inde brieve die hi dair af hadde ende dair hi onse man van leen af was dair op dat die selve Johannes mids zeker voirlief dat ǁ hi van onsen voirs. luden dair af heeft gehad voir ons ende voir onse manne van leen nu heeft vertegen Soe dat wi onsen voirs. luden dat ǁ hebben vereygent ende van desen dage voert selen onse voirs. lude haere gruyt meghen halen dair hen dat best ghennecht onbedwongen ǁ van yeman ende en sal inden selven onsen dorpen engheen gruytstad liggen In enghenen tiden toecomende Behoudelic dien of onsse ǁ luden van Tilbourch ende van Ghoerle mit haren toebehoirten hoppen bier vreemt bier of ander buten onsse banc van Tilborch ende van ǁ Goerle buirden of buiren deden tot Oesterwyc of in enege ander gruytstad onder ons dat men van dien bier tot dier gruytstad sal mogen ǁ nemen vanden genen die dat bier daer cochten of tapten alsulc gel[yc] alsmen dair af sculdich is te hebben Item geven wi ende verlenen onse ǁ voirs. luden van Tilborch ende van Goerle mit hueren toebehoirten dat s[i] altogs hoir coren selen mogen doen malen dairt hen evenste coempt ǁ en deraf onbedwongen wesen vorder gehouden te syn te malen op een molen dan op een ander buten onse voirs. dorpen of dair binne ǁ gelyc si heerbracht hebben allen argelist utegescheiden In or[con]de des briefs der wi onsen segel aen hebben doen hanghen Gegeven ǁ te Bruessel zes dage in februari inden jair ons heren M CCC VCIIII na somne shoifs van Cameric ende want wi deken en capittel voirs. ǁ desen brief voirs. gelesen en gesien hebben gelyc voirs. es Soe hebben wy dit vidimus der af oepen bezegelt met onsen segel Int jair ons ǁ heren mcccc twe dage in december

Dorsale aantekening:

Copia Illorum in Tilborch et Goerle etcetera ǁ de Privilegys Approbata fuit ǁ presens anno domini 1400,  2a decembris ǁ Bredae, In Capitulo ǁ Gesien ende gecollatereert 17 juny 1661 ǁ N. La Haye 1605

Copia de franchisis? illorum ǁ de Tylleborgh et Goerle